11:33, 14 Qarasha 2025 | GMT +5
ShQO-da boranǵa baılanysty jabylǵan jol qaıta ashyldy
ÓSKEMEN. KAZINFORM – Shyǵys Qazaqstan oblysynda boranǵa baılanysty jabylǵan jol qaıta ashyldy.
Bul týraly ShQO Tótenshe jaǵdaılar departamentiniń baspasóz qyzmeti habarlady.
– Oblystyq mańyzy bar Kúrshim-Qaljyr tasjolynyń 65-131 shaqyrymynda kóliktiń barlyq túriniń qozǵalysyna ruqsat etildi. Osy rette, halyqqa alys saparǵa shyǵar aldynda joldardyń jaı-kúıin «Dármen» mobıldik qosymshasy arqyly tekserip otyrýǵa keńes beremiz, - delingen aqparatta.
Aıta keteıik, atalǵan tasjol keshe aýa raıynyń qolaısyzdyǵyna, naqty aıtqanda boran men joldyń durys kórinbeýine baılanysty saǵat 22.00-den bastap jabyq turǵan.