ShQO-da boranda adasyp ketken pavlodarlyq eki otbasy qutqaryldy
ÓSKEMEN. QazAqparat – Shyǵys Qazaqstan oblysynda polıtseıler boranda adasyp ketken Pavlodar qalasynyń turǵyndaryn qutqardy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 22 naýryzda Abaı aýdandyq polıtsııa bólimine qarly boranda eki otbasynyń adasyp ketkeni týraly habar túsken.
Tártip saqshylary Turarbekov Bektursyn men Meıramǵalıev Rýslan shuǵyl izdestirý jumystaryna kiristi.
- Polıtseıler oqıǵa ornyna qyzmettik avtokólikpen shyǵyp, úsh saǵat ishinde adasqan azamattardy tapqan. Olar Pavlodar qalasynyń turǵyndary bolyp shyqty. Kólikte eki otbasy, atap aıtqanda eki er adam, eki áıel jáne tórt bala bolǵan. Olar Abaı aýdanynyń aýmaǵynda ornalasqan «Qońyr áýlıe» úńgirine bara jatty. Jolda adasyp, kóligi qarǵa batyp qalǵan, - delingen aqparatta.
Polıtseıler týrısterge kómek kórsetip, kólikterin qardan shyǵardy.
Sodan keıin aýdan ortalyǵyna jetkizip, tamaqtandyryp, jatyn oryn taýyp berdi.
Óz kezeginde Pavlodar oblysynyń turǵyndary polıtsııa qyzmetkerlerine alǵys aıtyp, jumystaryna tabys tiledi.
