ShQO-da boranda adasyp ketken eki shopan tabyldy
ShQO Tótenshe jaǵdaılar departamenti baspasóz qyzmetiniń málimetine súıensek, 26 qarashada Zaısan aýdanyndaǵy sharýa qojalyǵynyń basshysy qutqarýshylarǵa habarlasty. Óz sózinde ol Qaratal aýylynyń mańynda mal izdeýge ketken 2 shopannyń joǵalǵanyn jetkizdi. TJD qyzmetkerleri jol talǵamaıtyn «KÝNG» avtokóligimen kómekke attandy.
«Olar qatty aıaz ben qarly boranǵa qaramastan 1963 jáne 1983 jylǵy er adamdardy izdestirdi. Shopandardyń biri «Jadyra» sharýa qojalyǵynan 5 shaqyrym jerde tabyldy. Al ekinshisi kóp uzamaı óz betimen oraldy. Shopandarǵa medıtsınalyq kómek qajet bolmady», - delingen aqparatta.
Jol boıynda №25 órt sóndirý bóliminiń qutqarýshylaryna taǵy bir ótinish tústi. Qar qursaýynda qalǵan «Mazda» markaly kólikte úsh er adam bolǵan. Sol jerge kelgen qutqarýshylar azamattardy jaqyn mańdaǵy eldi mekenge jetkizdi.