ShQO-da boranda adasyp kóz jumǵan er adamnyń denesi 3 kúnnen keıin tabyldy
ÓSKEMEN. KAZINFORM – Shyǵys Qazaqstan oblysy Kúrshim aýdanynda boranda adasyp kóz jumǵan er adamnyń denesi 3 kúnnen keıin tabyldy.
Tabıǵı sıpattaǵy tótenshe jaǵdaı rejımi jarııalanǵan Kúrshim aýdanynda 23 qańtar kúni eki adam boranda adasyp, onyń biri kóz jumǵan bolatyn.
Denesin úsik shalǵan ekinshi azamatty sanıtarlyq avıatsııa Óskemenge jetkizip, oblystyq mamandandyrylǵan medıtsınalyq ortalyqtyń jansaqtaý jáne ıntensıvti terapııa bólimshesine jatqyzǵan.
Al marqumnyń denesi birden tabylmady.
Qalyń qar astynda qalǵan joldan arnaıy tehnıkanyń júrýi de qıynǵa soqqan.
Іzdeýge qutqarýshylar, polıtseıler men jer jaǵdaıyn jaqsy biletin aýdan turǵandyry tartyldy.
«Іzdeý jumystary qarshanamen, shańǵymen jáne atpen júrgizildi. Osylaısha búgin er adamnyń denesi tabyldy. Oqıǵanyń barlyq mán-jaıy anyqtalyp jatyr», — dep habarlady ShQO polıtsııa departamentiniń baspasóz qyzmeti.
