ShQO-da boran saldarynan ekinshi aýysymdaǵy oqýshylar onlaın oqıdy
ÓSKEMEN. QazAqparat – Shyǵys Qazaqstan oblysyndaǵy birqatar aýdanda boran saldarynan ekinshi aýysymdaǵy oqýshylar onlaın oqıdy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 15 aqpanda aýa raıynyń nasharlaýyna, naqty aıtqanda kúshti jelge jáne boranǵa baılanysty keıbir aýdandardaǵy ekinshi aýysymdaǵy oqýshylar qashyqtan oqıtyn boldy.
«Rıdder, Kýrchatov qalalarynda, Kókpekti, Tarbaǵataı, Jarma aýdandarynda 0-11 synyptar mektepke barmaıdy. Al Kúrshim aýdanynda 0-4 synyp aralyǵyndaǵy oqýshylar onlaın oqıdy», - dep habarlady vedomstvo ókilderi.
Esterińizge sala ketsek , osyǵan deıin Shyǵys Qazaqstanda boranǵa baılanysty birqatar respýblıkalyq mańyzdaǵy jol jabylǵandyǵy habarlanǵan.
