ShQO-da boran men kóktaıǵaqqa baılanysty eki jolda kólik qozǵalysy shekteledi

ÓSKEMEN. KAZINFORM – Shyǵys Qazaqstan oblysyndaǵy eki jolda keıbir kólik túrleriniń qozǵalysyna tyıym salynady.

ShQO Tótenshe jaǵdaılar departamenti baspasóz qyzmetiniń málimetine súıensek, aýa raıy qolaısyzdyǵyna, naqty aıtqanda boran, kóktaıǵaq pen joldyń durys kórinbeýine baılanysty joldarda shekteý engizildi.

- Búgin saǵat 12.30-dan bastap respýblıkalyq mańyzy bar «Almaty-Taldyqorǵan-Óskemen-Shemonaıha-RF shekarasy» tasjolynyń 1104-1191 shaqyrymynda (Glýbokoe eldi mekeni men Shemonaıha qalasynyń arasy), «Óskemen-Rıdder-RF shekarasy» tasjolynyń 15-105 shaqyrymynda (Beloýsovka kenti men Rıdder qalasynyń arasy) avtobýstarǵa, tirkemeleri jáne jartylaı tirkemeleri bar júk kólikterine qozǵalysqa tyıym salyndy, - delingen aqparatta.

Osy rette, qutqarýshylar óńir jurtshylyǵyna joldardyń jaı-kúıin "Dármen" mobıldi qosymshasy arqyly bilip otyrýǵa keńes berdi. 

Eske salsaq, tańerteń «QazAvtoJol» ulttyq kompanııasy eldegi joldardyń qazirgi ahýaly týraly habarlaǵan bolatyn.