ShQO-da boran men kóktaıǵaqqa baılanysty 3 jolda kólik qozǵalysy shekteldi
ÓSKEMEN. KAZINFORM – Shyǵys Qazaqstan oblysynda aýa raıynyń qolaısyzdyǵyna baılanysty joldarda shekteý engizilip jatyr.
ShQO tótenshe jaǵdaılar departamenti baspasóz qyzmetiniń málimetine súıensek, boran men kóktaıǵaqqa baılanysty respýblıkalyq mańyzy bar avtokólik joldarynda birqatar shekteýler engizildi.
- Atap aıtqanda, búgin saǵat 13:30-dan bastap «Almaty-Taldyqorǵan-Óskemen-Shemonaıha-RF shekarasy» tasjolynyń 1104–1191 shaqyrymdarda (Glýbokoe-Shemonaıha ýchaskesi) avtobýstar men tirkemesi bar jáne jartylaı tirkemeli júk kólikteriniń qozǵalysyna ýaqytsha tyıym salyndy. Sondaı-aq dál osy ýaqyttan «Óskemen-Rıdder-RF shekarasy» tasjolynyń 15-105 shaqyrymynda (Beloýsovka-Rıdder baǵyty) avtobýstar men tirkemeli júk kólikteriniń qozǵalysy shekteldi, - delingen aqparatta.
Al saǵat 12:00-den bastap oblystyq mańyzy bar «Shemonaıha-Sekısovka» jolynyń 0-56 shaqyrymynda dál osyndaı shekteýler engizilgen.
Eske salsaq, osyǵan deıin Qazaqstanda 24 qarasha kúni birqatar óńirde joldarda qozǵalys shekteýi saqtalyp otyrǵandyǵy habarlanǵan.