ShQO-da bomba týraly jalǵan aqparat taratqan jas ana bolyp shyqty
ÓSKEMEN. QazAqparat - Іs-sapardan joldasyn kútken sábıi bar jas ana polıtsııaǵa onyń úıinde bomba qoıylǵandyǵyn jóninde qońyraý shalǵan, dep habarlaıdy «QazAqparat» HAA tilshisi.
№2 qalalyq sot Óskemen úshin sırek kezdesetin qylmystyq isti qarap, 102 nómirine jalǵan habarlama berýge qatysty jaza taǵaıyndady. Sebebi, jalǵan habarlama kelip túsken soń kópqabatty úıdiń turǵyndary tún ishinde qaýipsiz jerge kóshirilip, polıtsııa mamandary uzaq ýaqyt boıy jarylǵyshty izdeýmen álek bolǵan.
Sýdıa jas áıelden (Ivanova A.) ne sebepti bulaı jasaǵandyǵyn suraǵanda, ol «zerikkennen» osyndaı qadamǵa barǵanyn aıtqan.
Sottyń úkimimen Ivanov kináli dep tanylyp, jalpy rejimdegi kolonııada 2 jyl jazasyn óteıtin bolady.
Jas sábıiniń bolǵandyǵy esepke alynyp, jazasyn óteý merzimi 5 jyl keıinge shegerildi.
Sottyń baspasóz qyzmeti atap ótkendeı, qylmystyq zańnamaǵa sáıkes osyndaı áreketter qylmystyq quqyq buzýshylyq dep tanylyp, 6 jylǵa deıin bas bostandyǵynan aıyrý jazasy kesiledi. Sonymen qatar, arnaıy qyzmettiń barǵany úshin memleketke ótemaqy tólenedi.
