ShQO-da «Biz Birgemiz» aktsııasy aıasynda 30 myń adam materıaldyq kómek aldy
ÓSKEMEN. QazAqparat - «Biz Birgemiz» aktsııasy aıasynda 30 myń adam 1,5 mıllıard teńgeniń materıaldyq kómegin aldy.
Bul týraly Shyǵys qazaqstanda oblystyq máslıhatynyń altynshy shaqyrylymynyń HL kezekti sessııasynda oblys basshysy Danıal Ahmetov aıtty, dep habarlaıdy QazAqparat tilshisi.
«Pandemııa kezinde áleýmettik qoldaý men azamattardyń osal sanattaryn qorǵaýǵa erekshe kóńil bólindi. Sonymen qatar, oblystyń 78 myń turǵynyna 930 mıllıon teńgeniń azyq-túligi jáne turmystyq jıyntyqtary jiberildi. Elbasynyń bastamasymen «Biz Birgemiz» aktsııasy aıasynda 30 myń adam 1,5 mıllıard teńgeniń materıaldyq kómegin aldy», - deıdi ShQO ákimi Danıal Ahmetov.
Onyń aıtýynsha, oblysta 21 mıllıard teńgege 297 myń adamǵa 42 500 teńge kóleminde áleýmettik kómek kórsetilgen.
«Tótenshe jaǵdaı kezinde áleýmettik jaǵynan qorǵalǵan azamattarǵa qaıta paıdalanýǵa bolatyn maskalar berildi. Shilde aıynyń basynan bastap oblystyń qalalary men aýdandarynda 470 myń maska taratyldy. Kópbalaly otbasylar men halyqtyń az qamtamasyz etilgen toptary úshin áleýmettik máselelerdi sheshý únemi baqylaýda», - deıdi ol.
