ShQO-da bıylǵy shomylý maýsymynda 10 bala sýǵa batyp ketti
ÓSKEMEN. QazAqparat – Shyǵys Qazaqstan oblysynda bıylǵy shomylý maýsymynda 10 bala sýǵa batyp ketti, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, jaz mezgili bastalǵaly óńir boıynsha 36 adam, onyń ishinde 10 bala sýǵa batqan. Kóp jaǵdaıda qaıǵyly oqıǵanyń sebebi jabdyqtalmaǵan jerlerde shomylý, júze almaý jáne óz kúshin asyra baǵalaý bolyp jatady.
«Bıylǵy shomylý maýsymy aıaqtaldy. 3 aı boıy demalýshylardyń qaýipsizdigi úshin Alakólde, Kókpekti aýdanyndaǵy jaǵajaıda qutqarýshylar beketi jumys istedi. Sýdaǵy qaýipsizdikti qamtamasyz etý maqsatynda polıtsııa qyzmetkerlerimen birge 6744 reıd uıymdastyryldy. 412 tyıym salý jáne eskertý belgileri ornatylyp, 756 adam ákimshilik jaýapqae tartyldy», - dep habarlady vedomstvo ókilderi.
Qutqarýshylar sýǵa batyp bara jatqan 24 adamdy qutqaryp qalǵan. Onyń ishinde 6 bala bar.
