ShQO-da bıylǵy oqý jylynda 14 muǵalimnen koronavırýs anyqtaldy
Bıylǵy oqý jylynyń dástúrli formatta bastalǵany belgili. Epıdemıologııalyq jaǵdaıǵa baılanysty óńir mektepterinde sanıtarlyq normalar qatań saqtalǵan. Alaıda soǵan qaramastan bilim berý mekemelerinde qaýipti dertke shaldyqqandar anyqtalyp jatyr.
ShQO Sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, qyrkúıek aıynyń basynan beri 120 oqýshy men 14 muǵalim koronavırýsqa shaldyqqan.
«Qazirgi ýaqytta 36 mekteptegi 67 synyp qashyqtan oqytý formatyna aýystyryldy. Karantınge jabylǵan mektep joq», - dep habarlady vedomstvo ókilderi.
Aıta keteıik, 2021-2022 oqý jylynda Shyǵys Qazaqstan oblysynda 20 myńnan astam bala mektep tabaldyryǵyn alǵash attaǵan. Jalpy aımaq mektepterinde 200 myńǵa jýyq oqýshy bilim alyp jatyr.