ShQO-da bıylǵy alty aıda 35 bilim berý mekemesi tekseriledi
ÓSKEMEN. QazAqparat – Shyǵys Qazaqstan oblysynda bıylǵy 6 aıda 35 bilim berý mekemesine tekserý júrgizilmek, dep habarlaıdy QazAqparat tilshisi.
ShQO Bilim salasynda sapany qamtamasyz etý departamenti bilim sapasyn syrttaı baǵalaý bóliminiń basshysy Botagóz Raıymbekovanyń aıtýynsha, mektepterge profılaktıkalyq baqylaý júrgizý qandaı da bir zańsyzdyqtardy ýaqtyly anyqtaýǵa jáne onyń aldyn alýǵa baǵyttalǵan. Osyndaı baqylaý «Bilim týraly» Zańnyń 59-baby negizinde júrgiziledi.
«Árbir jartyjyldyqqa profılaktıkalyq baqylaý júrgizý úshin bilim berý uıymdarynyń tizimi bekitiledi. Osy jyldyń 6 aıynda mekemeni tekserý josparlanyp otyr. Ótken jyly baqylaý aıasynda 16 mektepte 58 buzýshylyq anyqtalǵan», - dedi ol.
Botagóz Raıymbekovanyń málimetinshe, óńirdegi mektepke deıingi mekemelerdiń materıaldyq bazasynyń álsiz bolýy, balabaqsha tárbıeshileriniń laýazymdyq nusqaýlyqtarynyń durys ázirlenbeýi syndy buzýshylyqtar anyqtaldy.
