ShQO-da bıyl jeke kásibin bastaǵysy kelgenderge 174 grant berilmek

ÓSKEMEN. QazAqparat – Shyǵys Qazaqstan oblysynda jeke kásibin bastaǵysy kelgenderge osy jyly 174 grant beriledi, dep habarlaıdy QazAqparat tilshisi.

Aımaq basshysy Danıal Ahmetovtyń aıtýynsha, halyqty áleýmettik qoldaý úshin kásipkerlikti damytý qajet. Osy maqsatta óńirde bıyl birqatar shara atqarylady.

«Óz isin bastaǵysy kelgen azamattardyń bıznes-ıdeıalaryn júzege asyrýǵa arnalǵan memlekettik granttar mólsheri 400 AEK-ke deıin ósti. 2022 jyly 174 adam grantqa qol jetkize alady. Onyń ishinde 89-y jastar bolmaq. «Elektrondy eńbek bırjasy» portalynyń múmkindikterin paıdalaný, jumyssyzdardy tsıfrlyq saýattylyqqa oqytý nátıjesinde bes myńnan astam turǵyn jumysqa ornalastyrylady», - dedi ol.

Budan bólek, jumys berýshilerdiń qajettilikterine sáıkes 217 jumyssyz adamdy oqytý josparlanýda. Onyń ishinde 66 azamat jumys berýshiniń jumys ornynda oqýdan ótedi.