ShQO-da bıyl zańsyz aǵash kesken 40-tan astam adam jaýapqa tartyldy

ÓSKEMEN. QazAqparat – Shyǵys Qazaqstan oblysynda jyl basynan beri zańsyz aǵash kesken 43 adamǵa aıyppul salyndy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetinshe, «Semeı ormany» memlekettik orman tabıǵı rezervaty Dmıtrıevka ormanshylyǵyndaǵy erekshe qorǵalatyn aýmaqta aǵash kesken adam ustaldy. Ol 5 qaraǵaı aǵashty zańsyz kesip, memleketke 40 000 teńgeden astam materıaldyq zalal keltirgen.

Atalǵan fakti boıynsha QR ÁQBtK-niń 381-baby 3-bóligine sáıkes ákimshilik is qozǵalyp, Borodýlıha aýdandyq sotyna joldandy.

«Jyl basynan beri tabıǵat qorǵaý polıtsııasynyń qyzmetkerleri zańsyz aǵash kesý faktilerine jol bermeý maqsatynda 98 reıd ótkizdi. Sonyń nátıjesinde 43 adam ákimshilik jaýapqa tartyldy. 141,8 tekshe metr aǵash tárkilengen. Memleketke keltirilgen zalaldyń jalpy mólsheri 5 mln teńgeni qurady», - dep habarlady vedomstvo ókilderi.