ShQO-da bıyl memlekettik qyzmetkerlerge qatysty tártiptik ister 2 ese azaıdy

ÓSKEMEN. QazAqparat – Shyǵys Qazaqstan oblysyndaǵy Ádep jónindegi keńeste memlekettik qyzmetkerlerge qatysty qaralǵan tártiptik ister 2 ese azaıdy, dep habarlaıdy QazAqparat tilshisi.

QR Memlekettik qyzmet isteri agenttiginiń Shyǵys Qazaqstan oblysy boıynsha departamentiniń málimetine súıensek, jyl basynan beri Ádep jónindegi keńes 6 otyrys ótkizip, onda 39 másele qaraldy.

«Ótken jylmen salystyrǵanda memlekettik qyzmetkerlerge qatysty tártiptik ister 2 esege, naqty aıtqanda 57 paıyzǵa azaıdy. Bul júrgizilip jatqan profılaktıkalyq sharalar tıimdiliginiń artqanyn kórsetedi», - deıdi departament basshysy Nurlan Erkebaev.

Onyń aıtýynsha, bıyl memlekettik qyzmet salasy boıynsha barlyǵy 214 ótinish kelip túsken. Anonımdi túrde jasalǵan ótinish bolǵan joq.

«12 adamnyń óz ótinishin qaıtaryp alýyna baılanysty is toqtatyldy. Sondaı-aq jeke jáne zańdy tulǵalardyń ótinishteri boıynsha memlekettik mekemelerge 54 jospardan tys tekserý júrgizilip, nátıjesinde 17 adamnyń quqyǵy qorǵaldy», - deıdi N.Erkebaev.