ShQO-da bıyl ІT-Hakaton marafony ótedi
Sonymen qatar, maýsym aıynda «Dıdjıtal Ist - Bolashaqqa qadam» halyqaralyq forýmyn ekinshi márte ótkizý, Tsıfrlandyrýdyń biryńǵaı ıntegratsııalyq ortalyǵyn qurý mindetterin júktedi.
Óńir ekonomıkasyn órkendetýdiń bir joly - tsıfrlandyrý bolyp otyr. Oblystaǵy taý-ken, metallýrgııalyq kompanııalar osy salaǵa kúsh salýda, olar tsıfrlyq transformatsııa baǵytyndaǵy tórt jobany aıaqtap, toǵyzyn jalǵastyrý ústinde. Ózge salalar da qalys qalmaı keledi. Aýyl sharýashylyǵy salasynda tehnıkany esepke alý júıesi engizildi. Shaharlarda «Qaýipsiz qala» jobasy qolǵa alynǵan. Óskemen kóshelerine tórt myń beınekamera ornatylmaq. Kóshelerdi únemdi ári «aqyldy» shamdarmen jaryqtandyrý jobasy iske asyp jatyr. «Qoǵamdyq qabyldaý bólmesi», «Mobıldi anyqtamalyq qosymsha», «Óskemen men Semeıdegi bos jer ýchaskeleriniń elektrondy kartasy» jobalary jumys istep tur.
Aldaǵy mindet - qoǵamdyq kólikterge elektrondy bıletteý júıesin engizý, densaýlyq saqtaý, bilim berý, kólik, turǵyn úı-kommýnaldyq sharýashylyq salalaryn tsıfrlandyrýdy odan ári jalǵastyrý.
Tsıfrlyq tehnologııalarǵa salynǵan ınvestıtsııanyń jalpy kólemi - 30,5 mlrd teńge.
