ShQO-da bıyl aýyl halqyn ortalyqtandyrylǵan sýmen qamtý 92%-ǵa jetpek
ÓSKEMEN. QazAqparat – Shyǵys Qazaqstan oblysynda jyl sońyna deıin aýyl halqynyń ortalyqtandyrylǵan sýmen qamtamyz etilýi 92,2%-ǵa jetedi, dep habarlaıdy QazAqparat tilshisi.
ShQO ákimdiginiń málimetine súıensek, shaǵyn aýyldardy aýyzsýmen qamtý maqsatynda 52 blok-modýldi sý tazartý jáne taratý stantsııalary ornatylady. Nátıjesinde, aýyl halqyn ortalyqtandyrylǵan sýmen qamtamasyz etý jyl sońyna deıin 83,2%-dan 92,2%-ǵa deıin artady.
«2025 jylǵa deıin oblystyń barlyq turǵyndary sapaly aýyzsýmen qamtamasyz etiledi. Qosymsha 154 aýyl nemese 97,7 myń adam aýyzsýǵa qol jetkizedi. 2,5 shaqyrym jylýmen jáne 250 shaqyrym elektrmen jabdyqtaý jelilerine kúrdeli jóndeý jáne rekonstrýktsııalaý júrgizilýde», - dedi aımaq basshysy Danıal Ahmetov.
Onyń aıtýynsha, osy jyly halyqty taza aýyzsýmen qamtamasyz etý maqsatyndaǵy 63 jobaǵa 55,1 mıllıard teńge jumyldyrylǵan. Onyń 48-in jyl sońyna deıin aıaqtaý josparlanyp otyr.
