ShQO-da bıyl «Aýyl el besigi» baǵdarlamasy aıasynda 64 joba iske asyrylady
ShQO ákimdiginiń málimetine súıensek, «Aýyl el besigi» baǵdarlamasy boıynsha júzege asyrylatyn jobalardyń negizgi baǵyty - tirek aýyldardaǵy áleýmettik jáne ınjenerlik ınfraqurylymdy jańǵyrtý.
«Baǵdarlama sheńberinde bıyl 64 jobany iske asyrý kózdelgen. Onyń úsheýi ótpeli jobalar, atap aıtqanda Marqakól, Úlken Naryn jáne Katonqaraǵaı aýyldaryndaǵy dene shynyqtyrý-saýyqtyrý keshenderiniń qurylysy. Qalǵan 61 jobaǵa mektepterdi, aýyldyq klýbtardy, medıtsınalyq mekemelerdi jóndeý, dene shynyqtyrý-saýyqtyrý keshenderin salý, qazandyqtar men jylý jelilerin jańǵyrtý, joldar men kóshelerdi jóndeý, kóshe jaryǵyn ornatý kiredi», - dedi aımaq basshysy Danıal Ahmetov.
Onyń aıtýynsha, qurylys maýsymynyń basynda iske kirisý úshin jobalardyń barlyǵyna arnalǵan konkýrstyq rásimder aqpan-naýryz aılarynda ótýi tıis.
«Ekonomıka jáne bıýdjettik josparlaý jáne qoǵamdyq damý basqarmalaryna osy jobalardy toqsan saıyn iske asyrýdy baqylaýda ustaýdy tapsyrdym. Sebebi halyq qaıda jáne ne salynyp jatqanyn bilýi kerek», - dedi ákim.
