ShQO-da bıyl 9 myńǵa jýyq oqýshy mektep bitirdi
ÓSKEMEN. QazAqparat – Shyǵys Qazaqstan oblysynda bıylǵy oqý jylynda 9 myńǵa jýyq oqýshy mektep bitirdi, dep habarlaıdy QazAqparat tilshisi.
ShQO Bilim basqarmasynyń basshysy Saırangúl Jumadilovanyń aıtýynsha, óńir boıynsha 193 myń oqýshy jazǵy kanıkýlǵa shyqty. Onyń ishinde 9-synyp bitirgender – 16,3 myń, 11-synyp túlekteri – 8,7 myń. 28 mamyrda toǵyzynshy synyp oqýshylary qorytyndy emtıhan tapsyra bastaıdy. Bıyl ádettegideı tórt emes, úsh emtıhan bolmaq. Al 1 maýsymnan bastap 11 synyp oqýshylary tórt memlekettik qorytyndy emtıhan tapsyrady.
«752 túlek «Altyn belgige» úmitker bolyp otyr. 476 túlek jalpy orta bilim týraly arnaıy kýálik almaq. Toǵyzynshy synyp bitirgender arasynda 1,8 myńnan astam oqýshy «Úzdik attestat» ıegeri atanýǵa úmitti. Koronavırýs juqtyrǵan oqýshylar qorytyndy attestattaýdan bosatylady. Olardyń attestatyna baǵa jyl boıyndaǵy oqý úlgerimine baılanysty qoıylady. Eger oqýshy qaýipti dertke shaldyqqan adammen baılanysta bolǵandardyń qatarynda bolsa, onda ol emtıhandy qashyqtan tapsyrmaq», - dedi Saırangúl Jumadilova.
Esterińizge sala ketsek, osyǵan deıin Shyǵys Qazaqstanda bıyl 6800 túlek Ulttyq biryńǵaı testileýge qatysatyndyǵyn habarlaǵan bolatynbyz.
Foto: semeytv.kz