ShQO-da bıyl 7 mektep boı kóteredi

ÓSKEMEN. QazAqparat – Shyǵys Qazaqstan oblysynda osy jyly 7 jańa mektep salynady, dep habarlaıdy QazAqparat tilshisi.

ShQO ákimdiginiń málimetine súıensek, óńir aýmaǵynda bıyl úsh myń oryndyq 7 jańa mektep salynady. Ótken jyly 1070 oryndyq 4 mektep paıdalanýǵa berilgen.

«2025 jylǵa deıin oblysta 55 mlrd teńgege 7,1 myń oryndyq 17 jańa mektep salý josparlanǵan. Onyń ishinde 10-y «Jaıly mektep» ulttyq jobasy aıasynda boı kóteredi.

Ótken jyly 49 bilim berý nysanyna aǵymdaǵy jáne kúrdeli jóndeý jumystary júrgizildi. Osy jyly 26 mektepti jóndeýge 1,1 mlrd teńge bólingen», - deıdi aımaq basshysy Danıal Ahmetov.

Onyń aıtýynsha, kóptildi bilim berýdi damytý baǵdarlamasyn iske asyrý jalǵasady.

«Byltyr 4,8 myń muǵalim óz biliktiligin arttyrdy. Onyń ishinde kóptildi bilim berýdi damytý jónindegi keshendi jospardy iske asyrý sheńberinde 600 pedagog, naqty aıtqanda 400 qazaq tili jáne 200 orys tili men ádebıeti muǵalimi arnaıy kýrstardan ótti. Al 2023 jyly 5,3 myń pedagogty oqytý josparlanǵan, onyń ishinde tildik kýrstardan 500 muǵalim ótedi», - deıdi oblys ákimi.