ShQO-da bıyl 5 kolledj jataqhanasynyń qurylysy bastalmaq
Bul jaıly aımaq basshysy Danıal Ahmetov qoǵamdyq keńes aldyndaǵy esep berýinde aıtty.
«Prezıdent Qasym-Jomart Toqaevtyń tapsyrmasymen óńirdegi arnaýly orta oqý oryndarynda 7 jataqhana ashýymyz kerek. Búginde 2 jataqhana tolyqtaı salynyp bitti. Qalǵan beseýiniń qurylys jumystary bıyl bastalmaq», – deıdi ol.
Qazirde oblystyń birqatar kolledjderi halyqaralyq standarttarǵa sáıkestendirildi. Jańa qurylǵylarmen jabdyqtaý maqsatynda da birqatar sharalar qolǵa alynǵan.
«Kolledj túlekteriniń jumysqa ornalasýy – 77%-dy qurap otyr. Biz bul kórsetkishti 93%-ǵa jetkizýge tıispiz. Mysaly, Semeı qalasyndaǵy Geologııa jáne Elektrotehnıkalyq kolledjderdi bitirip shyqqan stýdentterdiń 94%-y mamandyq boıynsha eńbek etýde. Basqa arnaýly orta oqý oryndarynda osy turǵydaǵy jumysty kúsheıtý kerek», – deıdi Danıal Kenjetaıuly.
