ShQO-da bıyl 4 bala terezeden qulap ketti
ÓSKEMEN. QazAqparat – Shyǵys Qazaqstan oblysynda jyl basynan beri 4 bala terezeden qulaǵan, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, bıyl óńirde kópqabatty turǵyn úılerdiń terezelerinen 4 bala qulap ketti. Oqıǵa Óskemen, Altaı, Semeı qalalary men Borodýlıha aýdanynda tirkeldi. Ótken jyly osyndaı 9 jazataıym oqıǵa bolǵan. Balalar túrli dene jaraqattaryn aldy.
«Kóp jaǵdaıda balalardyń qulaýy eresekterdiń olardy qaraýsyz qaldyrýy saldarynan bolyp jatady. Búldirshinder tereze aldynda turǵan jıhazǵa shyǵyp, jaqtaýǵa óz betterimen kóteriledi. Sodan keıin moskıt toryna súıenedi de terezeden qulap ketedi», - dep habarlady vedomstvo ókilderi.
Osy rette, TJD mamandary ata-analarǵa balalardy qaraýsyz qaldyrmaı, barynsha saq bolýǵa shaqyrady.
