ShQO-da bıyl 349 myń sharshy metr turǵyn úı paıdalanýǵa berilmek
ShQO ákimdiginiń málimetine súıensek, óńir aýmaǵynda turǵyn úı qurylysy josparǵa sáıkes júrgizilýde. Máselen, Óskemen qalasynda jańa shaǵyn aýdan boı kóterip, birqatar joba qolǵa alynǵan.
«Drama teatry aýdanynda arhıtektýralyq sáýleti jaǵynan erekshe ári zamanaýı turǵyn úıler salynýda, qoldanysqa berilgenderi de bar. Endi bıyl munda 600 oryndyq mektep paıdalanýǵa beriledi. Jalpy, qazirgi úıler óte sapaly salynýda, aýlalardaǵy joldar alty metrge deıin keńeıtilip, ár páter úshin bir jarym oryndyq kólik turaǵy qarastyrylǵan», - deıdi oblys ákimi Danıal Ahmetov.
Bıyl Shyǵys Qazaqstanda 349 myń sharshy metr turǵyn úıdi paıdalanýǵa berý josparlanyp otyr. Sondaı-aq alty mektep salý kózdelgen. Onyń úsheýi Óskemende.
«Qaladaǵy Jibek matalar kombınaty shaǵynaýdanyndaǵy qurylysy toqtap qalǵan kolledjde tıisti jumystar bastaldy. Bul jerde matematıka jáne basqa da tsıfrlyq ǵylymdardaǵy daryndy balalarǵa arnalǵan 910 oryndyq mektep-ınternat boı kóteredi. 2024 jyly «Sport» shaǵyn aýdanynda da mektep qurylysy bastalady. Budan bólek, aqymdy sporttyq-mádenı keshen salýdyń qyzyqty jobasy bar. Jalpy, qurylys jumystary keste boıynsha júrgizilýde», - deıdi aımaq basshysy.
