ShQO-da bıyl 300-den astam dala órti shyqty
ÓSKEMEN. QazAqparat – Bıyl Shyǵys Qazaqstan oblysynyń barlyq aýdanynda shóp órtendi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, bıyl oblystyń barlyq aýdanynda shóp órtenip jatyr. Órt qaýpi joǵary kezeń bastalǵaly beri 300-den astam dala órti shyqqan. Qyzyl jalynnyń jalpy aýdany 242 gektardy qurady.
«Órt jaǵdaıyn baqylaý úshin qutqarýshylar kosmomonıtorıngti paıdalanýda. Onyń derekterin «Qazaqstan Ǵarysh Sapary« UK jáne « Geosat« JShS jylý núkteleri boıynsha alýǵa múmkindik beredi. Búgingi tańda ǵarysh tehnologııasynyń kómegimen qutqarýshylar talaı órttiń taralýyna der kezinde tosqaýyl qoıdy», - delingen habarlamada.
Naqty aıtqanda, 2022 jyldyń sáýir aıynan bastap 640-tan astam jylý núktesi anyqtalǵan.
«Órt sóndirýshiler polıtseılermen, ormanshylarmen jáne jergilikti atqarýshy organ ókilderimen birlesip, órt qaýipsizdiginiń saqtalýyn baqylaý úshin turaqty túrde profılaktıkalyq reıdter júrgizýde. Óńirde qurylǵan 44 mobıldi top bıyl 40 adamdy jaýapqa tartty», - delingen aqparatta.
