ShQO-da bıyl 30-dan astam adam kene ınfektsııasyn juqtyrǵan
ÓSKEMEN. QazAqparat – Shyǵys Qazaqstan oblysynda bıylǵy kóktem shyqqaly beri 30-dan astam adam kene ınfektsııasyn juqtyrǵan, dep habarlaıdy QazAqparat tilshisi.
ShQO sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, kóktem shyqqaly beri óńir boıynsha 3593 adamdy kene shaqqan.
Zardap shekkenderdiń kóbisi Óskemen qalasynda (1702 adam). Odan keıin Rıdder (695) men Altaı (462) aýdany tur.
Sondaı-aq kene shaǵý faktileri Katonqaraǵaı, Glýbokoe, Shemonaıha, Zaısan, Kókpekti jáne Ulan aýdandarynda tirkeldi.
«Kene shaqqannan keıin 30-dan astam turǵyn qaýipti ınfektsııa juqtyrǵan. Máselen, 15 azamat ıksodıdtik kene borrelıozymen, 8 adam kene entsefalıtimen, 7 adam kene súzegimen aýyrǵan. Naýqastardyń eń eresegi - 91 jasta, al eń kishisi - 4-te», - dep habarlady vedomstvo ókilderi.
Foto: blog.doc.help
