ShQO-da bıyl 28 myńǵa jýyq adam tumaý juqtyrǵan

ÓSKEMEN. QazAqparat – Shyǵys Qazaqstan oblysynda jyl basynan beri 28 myńǵa jýyq adam JRVI-men aýyrǵan, dep habarlaıdy QazAqparat tilshisi.

ShQO sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, óńirde 2021 jyldyń qazan aıynan bastap qazirgi ýaqytqa deıin jiti rıspıratorlyq vırýstyq ınfektsııamen aýyrǵandar sany 78 153 adamdy qurap otyr.

Bul ótken jylǵy kezeńmen salystyrǵanda 1,5 ese artyq. Onyń ishinde 47,1 paıyzy – 14 jasqa deıingi balalar.

«Al 2022 jyldyń basynan beri JRVI-diń 27 830 jaǵdaıy tirkeldi. Sondaı-aq 31 turǵynǵa «tumaý» dıagnozy qoıylǵan. Osy rette, 14 jasqa deıingi balalar sany – 158. JRVI men tumaýdan ólim-jitim jaǵdaılary bolǵan joq», - dep habarlady vedomstvo ókilderi.

Oblys boıynsha 2021-2022 jyldary tumaýǵa qarsy 140 213 adam ekpe saldyrdy.

Bul - aımaq halqynyń 10,3 paıyzy.