ShQO-da bıyl 2,6 myń azamatqa tegin zańgerlik keńes berildi
ÓSKEMEN. QazAqparat – Shyǵys Qazaqstan oblysynda jyl basynan beri 2676 azamatqa tegin zańgerlik keńes berilgen, dep habarlaıdy QazAqparat tilshisi.
ShQO ádilet departamenti turǵyndarǵa tegin zańgerlik keńes berý maqsatynda 175 qorǵaýshymen kelisimshartqa otyrǵan. Bul týraly oblystyq Aqparat ortalyǵynda ótken baspasóz brıfıngi barysynda departament basshysynyń orynbasary Aıdyn Ámirhanov málim etti.
«2014 jyldan beri Ádilet mınıstrligi «Qorǵaýshylardyń zańgerlik kómek kórsetýi» atty biryńǵaı ákimshilik bıýdjet baǵdarlamasyn qolǵa alǵan bolatyn. Josparǵa sáıkes, 2020 jyly tegin zańgerlik kómek kórsetý maqsatynda respýblıkalyq bıýdjetten 147 mln 421 myń teńge bólingen. Nátıjesinde 2676 azamatqa tegin zańgerlik keńes berildi», - dedi Aıdyn Ámirhanov.
Onyń aıtýynsha, elimizde jarııalanǵan tótenshe jaǵdaı kezinde turǵyndarǵa WhatsApp, Telegram, Instagram, Facebook jelileri arqyly aqysyz qyzmet kórsetilgen. Sondaı-aq osy ýaqyt aralyǵynda 28 sot isi ótkizilip, 11 beınerolık pen tikeleı efırler júrgizilgen.
