ShQO-da birneshe jol ýchaskesinde qozǵalys shekteldi
ASTANA. 26 qarasha. QazAqparat - Shyǵys Qazaqstan oblysy aýmaǵyndaǵy boranǵa baılanysty respýblıkalyq mańyzy bar avtojoldarynda qozǵalysqa shekteý qoıyldy.
Bul týraly búgin «Qazaqavtojol» RMK-nyń baspasóz qyzmeti habarlap otyr.
Atap aıtqanda, keshe saǵat 14:15-ten bastap "Óskemen- Shemonaıha-RF shekara" jolynyń 16-123 shaqyrymyndaǵy "Glýbokoe-RF shekarasy" ýchaskesinde avtokóliktiń barlyq túrleri úshin jolǵa shyǵýǵa tyıym salyndy.
Al búgin saǵat 07:15-ten beri "Óskemen-Zyrıan-Rahman Qaınary" 0-164 shaqyrymyndaǵy "Stepnoe-Zyrıan" ýchaskesinde de avtokóliktiń barlyq túrleri úshin jol qozǵalysyna shekteý qoıyldy.
Atalǵan jolda avtokólikterdiń úzdiksiz jol qozǵalysyn qamtamasyz etý maqsatynda «Qazaqavtojol» RMK-nyń JPB (Jol paıdalaný bólimshesi) arnaıy tehnıkalary kezekshilikke shyqty.
«Qazaqavtojol» RMK-da avtomobıl joldarynyń jabylǵan ýchaskeleri jóninde halyqty habardar etý úshin táýlik boıy dıspetcherlik qyzmet jumys isteıdi: Astana qalasynda 8 (7172) 444-777, Shyǵys Qazaqstan oblysy boıynsha 8 (7232) 26-28-08 telefony arqyly málimet alýǵa bolady.
