ShQO-da birneshe jer úıdiń aýlasyn sý basty
ÓSKEMEN. QazAqparat - Shyǵys Qazaqstan oblysynda birneshe jer úıdiń aýlasyn sý basty, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, óńir boıynsha sý tasqyny jaǵdaıy turaqty. Alaıda Borodýlıha aýdany men Rıdder qalasynda qarǵyn sý jer úılerdiń aýlalaryn basýda.
«Oqıǵa ornynda jergilikti atqarýshy organ ókilderi men qutqarýshylar jumysy isteýde. Inertti materıaly bar 400 ydys-qap tóseldi. Qazirgi ýaqytta Rıdderdegi 5, Borodýlıhadaǵy 1 úı aýlasyn sý basqan. Qarǵyn sýdy burý jumystary júrgizilgen soń úılerdiń aýmaǵynan sý sorylady», - dep habarlady vedomstvo ókilderi.
Osy jumystarǵa jergilikti atqarýshy organdar men qutqarýshylar, áskerı bólimderden barlyǵy 90 adam men 22 tehnıka jumyldyrylǵan. Jaǵdaıǵa monıtorıng táýlik boıy júrgiziledi.
