ShQO-da birneshe úıdi sý alyp ketti
NUR-SULTAN. QazAqparat - Shyǵys Qazaqstanda eki aýdanda jańbyrdyń saldarynan birneshe úıdi sý alyp ketti. Bul týraly ІІM-de ótken baspasóz máslıhatynda QR ІІM Tótenshe jaǵdaılar komıtetiniń tóraǵasy Vladımır Bekker aıtty, dep habarlaıdy QazAqparat tilshisi.
«Shyǵys Qazaqstan oblysynda 5 maýsym kúni saǵat 15.45 kezinde jańbyrdan keıin eki aýdanda alty aýla aýmaǵy men tórt turǵyn úıdi sý alyp ketti. Sý deńgeıi ol jerlerde 10 santımetrge deıin jetken», - dedi Vladımır Bekker.
Komıtet tóraǵasy óz sózinde Ulan aýdanyndaǵy 4 aýla aýmaǵy men 3 turǵyn úıge sýdyń jaıylyp ketkenin málim etti. Saǵat keshki 19.30 kezindegi jaǵdaı boıynsha TJD qyzmeti atalǵan aýmaqtardan sýdy tolyǵymen ketirgen. Zardap shekkender nemese jaraqat alǵandar joq. 7 adam, onyń ishinde 3 bala týystarynyń úıinde jatyr.
Sol sekildi Glýbokoe aýdanynyń Beloýsovka aýylynda eki aýla aýmaǵy men bir turǵyn úıge sý jaıylǵan. Alaıda keshke deıin tótenshe jaǵdaılar qyzmeti jaǵdaıdy rettep, Grebenıýşenskıı ózeniniń arnasy tazartylǵan. Zardap shekkender nemese jaraqat alǵandar joq. 6 adam, onyń ishindegi 5 bala týǵan-týystarynyń úılerine ýaqytsha ornalasty.
