ShQO-da birneshe ret jylqy urlaǵan qarııa sottaldy
ShQO Qylmystyq atqarý júıesi departamentiniń baspasóz qyzmeti taratqan málimetke súıensek, er adam kóbinese qaraýsyz jaıylǵan maldy urlaýmen aınalysqan. Qylmysyn júzege asyrǵan soń maldy «GAZel» kóligine tıep, kórshi aýdandarǵa aparyp satyp otyrǵan.
Kúdikti eki aı boıy Shemonaıha aýdanynyń Zevakıno jáne Mejovka aýyldarynda mal urlyǵymen aınalysqan. Búginde onyń aýyl turǵyndarynyń 3 jylqysyn urlap ketkeni anyqtaldy. Shyǵyn kólemi 1 mln teńgeden asyp otyr.
«Shemonaıha aýdandyq sotynyń úkimimen 62 jastaǵy aıyptalýshy QR Qylmystyq kodeksiniń 188-baby 3-bóliginiń 2-tarmaǵy boıynsha kináli dep tanylyp, 4 jyl 6 aıǵa bas bostandyǵynan shekteldi. Sonymen qatar ol jyl saıyn 100 saǵat májbúrli eńbekke tartylǵan», - deıdi Óskemen qalalyq probatsııa qyzmetiniń bastyǵy Maqsat Manarbekov.