ShQO-da birneshe kún boıy beti qaıtpaı jatqan dala órtteriniń kóbi sóndirildi
ÓSKEMEN. QazAqparat – Shyǵys Qazaqstan oblysynda birneshe kún boıy beti qaıtpaı jatqan dala órtteriniń kóbi aýyzdyqtaldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, ótken demalys kúnderi óńirdiń birneshe aýdanynda dala órti shyqqan. Zaısan, Glýbokoe, Ulan aýdandarynda, Altaı men Óskemen qalalaryndaǵy dala órtteri keshe tejelgen edi .
Kúrshim aýdanynda Maraldy aýyldyq okrýginde, Ulan aýdanynyń Gerasımovka aýylynda jáne Kamenka aýyldyq okrýginiń Borsaq ýchaskesinde, Altaı aýdanyndaǵy Serebrıansk qalasynda jáne Óskemendegi Mashına jasaýshylar kóshesinde qyzyl jalyn tolyq sóndirildi. Dál qazirgi ýaqytta Kúrshim aýdany Pýgachev ormanshylyǵyndaǵy órt qana óshirilgen joq.
«Sol jerde órt sóndirýshiler, jergilikti atqarýshy organ ókilderi, ormanshylar tarapynan barlyǵy 260 adam jáne 30-ǵa jýyq tehnıka jumys istep jatyr. ShQO ákimdiginiń eki «MI-8» tikushaǵy jumyldyrylǵan. Kólemi 35 tonna bolatyn 14 ret áýeden sý tógildi. Eldi mekenderge tónip turǵan qaýip joq», - delingen aqparatta.
