ShQO-da birneshe dárihana nashaqorlarǵa retseptsiz kodeın satqan
ÓSKEMEN. QazAqparat - Esirtkilik zattardyń aınalymyn retteý maqsatynda ótken «Dopıng» sharasy barysynda 6 dárihananyń nashaqorlarǵa retseptsiz dári satqany anyqtaldy, dep habarlaıdy QazAqparat tilshisi.
Jedel aldyn alý sharalary 11 naýryzda ǵana bastalǵanyna qaramastan, 6 birdeı dárihana ıesi ákimshilik jaýapkershilikke tartyldy. Onyń úsheýi Óskemen qalasynda, ekeýi Semeı qalasynda nashaqorlarǵa quramynda esirtkilik zattar bar dárilerdi retseptsiz satyp kelgen.
«Mysaly, saýda úıinde ornalasqan bir dárihana 6 aı boıy quramynda kodeın bar dári-dármekterdi retseptsiz satyp otyrǵan. Ony nashaqorlar esirtki jetpeı qınalǵanda, aýyrsynýdy basý úshin jıi qoldanady. Dárihana ıesine 130 AEK kóleminde aıyppul salynady» - delingen oblystyq polıtsııa departamenti taratqan málimette.
Úsh kúnniń ishinde polıtsııa ókilderi budan ózge 27 zańbuzýshylyq anyqtaǵan. Olardyń 17-si zańsyz esirtki ustaý deregi retinde tirkelgen.
