ShQO-da birneshe baǵyttar boıynsha tas joldar áli de jabyq
ASTANA. Qańtardyń 13-i. QazAqparat - QR Tótenshe jaǵdaılar mınıstrliginiń habarlaýynsha, Shyǵys Qazaqstan oblysynda aýa raıynyń qolaısyz bolýy sebepti qańtardyń 10,11-i kúnderi jabylǵan tas joldar qaıta ashyldy,
degenmen eki baǵyt boıynsha kúre joldarǵa shyǵýǵa áli de tyıym salynýda.
Oblysta qatty burqasynnan kórý múmkindiginiń shektelýine baılanysty jabylǵan «Óskemen-Samar-Kókpekti», «Óskemen-Qalbataý-Kókpekti-Zaısan» jáne «Óskemen-Zyrıan-Rahman bulaqtary» baǵyttary boıynsha tas joldar barlyq avtokólik ıeleri úshin qaıta ashyldy.
Degenmen, tótenshe jaǵdaı qyzmetteri «Óskemen-Qolbataý-Aıagóz» avtojolyn jabyq kúıinde qaldyryp otyr, onymen birge qańtardyń 12-si kúni, saǵat 20.00-den bastap «Semeı-Qaınar» tas jolyna da shyǵýǵa tyıym saldy.
