ShQO-da birneshe aýyl halqynyń narazylyǵyn týǵyzǵan shoshqa fermasy tekseriledi

ÓSKEMEN. QazAqparat – Shyǵys Qazaqstan oblysy Glýbokoe aýdanynda turǵyndar shaǵymynan soń shoshqa fermasyna tabıǵat qorǵaý zańnamasy talaptarynyń saqtalýyna qatysty jospardan tys tekserý júrgiziledi, dep habarlaıdy QazAqparat tilshisi.

ShQO ekologııa departamenti baspasóz qyzmetiniń dereginshe, Óskemen qalasy men Glýbokoe aýdany Stepnoe, Shmelev Log aýyldarynyń halqy jınalyp, shoshqa fermasynyń jumysyna narazylyq bildirgen.

Turǵyndardyń aıtýynsha, fermada qaldyqtardy ornalastyrý men saqtaýda zań talaptary saqtalmaıdy.

«Aldyn ala kelip túsken málimet boıynsha «Rodnıchok» sharýa qojalyǵyna tıesili atalǵan ferma Shmelev Log jáne Leshoz aýyldarynda jumys isteýge qajetti ekologııalyq ruqsat qaǵazdaryn rásimdemegen. Qazirgi ýaqytta bul másele departament pen oblys prokýratýrasynyń baqylaýynda», - delingen aqparatta.

Fermaǵa QR tabıǵat qorǵaý zańnamasy talaptarynyń saqtalýyna qatysty jospardan tys tekserý júrgizilmek.

Esterińizge sala ketsek, osyǵan deıin Buqtyrmada salynyp jatqan Qazaqstandaǵy eń uzyn kópirdiń 22 tireýi bolatynyn habarlaǵan edik.