ShQO-da birqatar jolda kólik qozǵalysy shekteldi
ÓSKEMEN. QazAqparat – Shyǵys Qazaqstan oblysyndaǵy birqatar tasjolda kólik qozǵalysy shekteldi, dep habarlaıdy QazAqparat tilshisi.
«Qazavtojol» JShS Shyǵys Qazaqstan oblystyq fılıalynyń málimetine súıensek, 22 aqpan kúni saǵat 15-10-nan bastap kúnniń buzylýyna, naqty aıtqanda qar erip, joldyń durys kórinbeýine baılanysty respýblıkalyq mańyzy bar «Omby-Maıqapshaǵaı» tasjolynyń 756-906-shaqyrymynda (Semeı qalasy men Qalbataý aýylynyń aralyǵy) jáne «Óskemen-Rıdder-RF shekarasy» tasjolynyń 15-105 shaqyrymynda (Beloýsovka kenti men Rıdder qalasynyń aralyǵy) júk kólikteri men avtobýstardyń qozǵalysyna shekteý qoıyldy.
Osy rette, oblystyq Tótenshe jaǵdaılar departamenti turǵyndarǵa alys saparǵa shyqpaýǵa, joldardyń jaı-kúıin «Dármen» mobıldi qosymshasy arqyly tekserip otyrýǵa keńes beredi.
Esterińizge sala ketsek, osyǵan deıin ShQO-da reseılik júrgizýshiniń kóligi jyraǵa túsip ketkeni habarlanǵan.
