ShQO-da birqatar respýblıkalyq joldar áli de jabyq
ASTANA. 30 qańtar. QazAqparat - Shyǵys Qazaqstan oblysynda burqasyn men kórý múmkindiginiń shekteýligine baılanysty respýblıkalyq mańyzy bar birqatar joldar áli de jabyq.
Bul týraly «Qazaqavtojol» RMK-niń baspasóz qyzmetinen habarlady.
Atap aıtqanda, 28 qańtar kúni avtokóliktiń barlyq túrleri úshin kelesi jol ýchaskelerinde qozǵalysqa tyıym salyndy:
Saǵat 09.30 bastap "Óskemen-Zyrıan-Rahman qaınary" a/j 6-166 shaqyrymy, "Stepnoe-Zyrıan" aralyǵynda;
Saǵat 12.00 bastap «Óskemen-Rıdder-RF.shekarasy» a/j 105-191 shaqyrymy, "Rıdder-RF shekara" aralyǵynda;
Saǵat 12.00 bastap "Óskemen-Shemonaıha-RF shekarasy" a/j 81-123 shaqyrymy, "Rassypnoe aınalymy-RF shekarasy".
Atalǵan joldarda avtokólikterdiń úzdiksiz jol qozǵalysyn qamtamasyz etý maqsatynda «Qazaqavtojol» RMK-nyń JPB (Jol paıdalaný bólimshesi) arnaıy qar tazalaý tehnıkalary jumys isteýde.
«Qazaqavtojol» RMK-da avtomobıl joldarynyń jabylǵan ýchaskeleri jóninde halyqty habardar etý úshin táýlik boıy dıspetcherlik qyzmet jumys isteıdi: Astana qalasynda 8 (7172) 444-777 telefony arqyly málimet alýǵa bolady.
