ShQO-da birqatar laýazymdy qyzmetke jalǵan qujatpen turǵandar anyqtaldy
ÓSKEMEN. QazAqparat – Shyǵys Qazaqstan oblysynda birqatar laýazymdy qyzmetke jalǵan qujatpen ornalasqandar anyqtaldy, dep habarlaıdy QazAqparat tilshisi.
ShQO Prokýratýrasy baspasóz qyzmetiniń málimetinshe, memlekettik organdardyń, kásiporyndardyń basshysy laýazymyna jáne qyzmetkerlerin taǵaıyndaý tártibiniń zańdylyǵyn tekserý barysynda joǵary bilim týraly jalǵan dıplom usynýdyń 3 faktisi anyqtaldy.
«Atap aıtqanda, «Sý kanaly» memlekettik kásiporynnyń basshysy jáne Rıdder qalalyq mádenıet úıiniń bas esepshisi laýazymdaryna, Rıdder qalasynyń ishki saıasat bólimine statıst qyzmetine jumysqa qabyldaýda jalǵan qujattar usynylǵan. Bilim berý uıymdary osy dıplomdardyń atalǵan azamattarǵa berilmegenin rastady», - delingen aqparatta.
Bul faktiler prokýratýrada tirkelip, tıisti materıaldar Rıdder qalasynyń polıtsııa bólimine joldandy.
Qazirgi ýaqytta QR QK-niń 385 baby 3 bóligi (kórineý jalǵan qujatty paıdalaný) boıynsha sotqa deıingi tergeý amaldary bastaldy.
