ShQO-da «Birqabatty Shyǵys» baǵdarlamasy qalaı júzege asýda
«Bul baǵdarlama óńirimizde sátti júzege asyrylyp, halyqtyń joǵary qyzyǵýshylyǵyna ıe boldy. Mysaly, Óskemen qalasynyń ózinde ǵana 6 myńnan astam adam óz betterimen úı salýǵa nıet bildirýde. Biz óz tarapymyzdan turǵyndar ýaqyt pen aqsha únemdeı alý úshin ınjenerlik ınfraqurylymy júrgizilgen ýchaskelerdi usynamyz. Osy rette qurylys basqarmasy jylý jelileriniń jaǵdaıyn taldap, qýattylyqty qaı jerde arttyrý kerektigin anyqtaýy kerek», - dedi aımaq basshysy.
Sondaı-aq ol Óskemen men Semeı qalalary ákimderine bir apta ishinde úı qurylysyna tıimdi ýchaskelerge qatysty jobalardy ázirleýdi tapsyrdy.
«Óıtkeni qurylys maýsymy bastalǵan kezde, ıaǵnı sáýir-mamyr aılarynda barlyǵy daıyn bolýy tıis. «Birqabatty Shyǵys» baǵdarlamasyn iske asyrý boıynsha Semeı, Zaısan jáne Aıagóz qalalary aldyńǵy qatarda. Osy baǵdarlamaǵa barlyq qalalar men aýdandar qatysýy kerek. Sol kezde ǵana turǵyn úı máselesi sheshiledi. Sondyqtan barlyq eldi mekender boıynsha aqparat jınaqtalyp, turǵyndar qolaılyǵy úshin ýchaskelerde kommýnıkatsııa jelileri tolyqtaı tartylýy shart», - dedi Danıal Ahmetov.
