ShQO-da birinshi aýysymdaǵy sabaq ótkizilmeıdi
ÓSKEMEN. QazAqparat - Shyǵys Qazaqstan oblysynda mektep jáne kolledjderde birinshi aýysymdaǵy sabaq bolmaıdy, dep habarlaıdy QazAqparat oblystyq TJD-ǵa silteme jasap.
«25 qańtarda aýa temperatýrasynyń tómendeýine baılanysty Semeı, Rıdder, Kýrchatov qalalarynda, Glýbokovskıı, Besqaraǵaı, Borodýlıhın, Jarma, Ulan, Shemonaıha aýdandaryndaǵy mektepterdegi 0-11-ge deıingi synyptarda, kolledjderdiń 1-2 kýrstaryna sabaq ótkizilmeıdi. Óskemen qalasy men Aıagóz aýdanynda birinshi aýysymdaǵy 0-9-ǵa deıingi synyptarda sabaq bolmaıdy, Altaı aýdanynda birinshi aýysymdaǵy 0-4 synyp aralyǵynyń oqýshylary oqymaıdy», - delingen habarlamada.
