ShQO-da bireýdiń kóligin aıdap ketken 19 jastaǵy qyz baǵanaǵa soǵyldy
ÓSKEMEN. QazAqparat – Shyǵys Qazaqstan oblysy Glýbokoe aýdanynda bótenniń kóligin aıdap ketken qyz baǵanaǵa soǵyldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, oqıǵa Glýbokoe aýdany Beloýsovka kentinde bolǵan.
«19 jastaǵy qyz tanysynyń úıine qonaqqa barǵan. 28 jastaǵy er adamnyń «Toıota» markaly kóligin aıdap ketken ol Tsentralnaıa jáne ıÝbıleınaıa kósheleriniń qıylysynda baǵanaǵa soǵyldy. Jol-kólik oqıǵasynan zardap shekken eshkim joq», - dep habarlady vedomstvo ókilderi.
Qazirgi ýaqytta boıjetkenge qatysty QR Qylmystyq Kodeksiniń 200-baby 1-bóligine sáıkes sotqa deıingi tergeý amaldary bastaldy. Atalǵan baptyń sanktsııasymen 2 jylǵa deıin bas bostandyǵynan aıyrý jazasy qarastyrylǵan.
Esterińizge sala ketsek, osyǵan deıin ShQO-da kontrabandalyq qarýdyń 65 dana optıkalyq kózdeýishi tárkilengenin habarlaǵan edik.
