ShQO-da bir jyldan astam ýaqyt buryn joǵalǵan er adam tabyldy

ÓSKEMEN. QazAqparat – Shyǵys Qazaqstan oblysynda bir jyldan astam ýaqyt buryn joǵalyp ketken er adam tabyldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, 2022 jyldyń sáýir aıynda zeınetker áıel Katonqaraǵaı aýdandyq polıtsııa bólimine júgingen.

Ol 45 jastaǵy ulynyń joǵalyp ketkenin jetkizdi.

«Polıtsııa qyzmetkerleri jedel-izdestirý sharalaryn júrgizgenimen er adamdy tabý múmkin bolmady. Onyń qaıda júrgeni 2023 jyldyń tamyz aıynda ǵana anyqtaldy. Buǵan azamattyń «Almaty-Óskemen» baǵytynda temirjol bıletin satyp alǵanynyń septigi tıdi», - delingen aqparatta.

Belgili bolǵandaı, er adam ótken jyldan beri Almaty qalasynda turyp kelgen.

Sonda jumys istep júrgen ol tipti ózin bireýdiń izdep jatqanyn bilmegenin aıtty.

Aıta keteıik, oblys polıtseıleri jyl basynan beri joǵalǵan 35 adamdy tapty.