ShQO-da bir jylda 370 myńnan astam adam ákimshilik jaýapkershilikke tartylǵan
ÓSKEMEN. QazAqparat – Shyǵys Qazaqstan oblysynda byltyr 374 myń adam ákimshilik jaýapqa tartyldy. Bul kórsetkish aldyńǵy jylmen salystyrǵanda 44 myńǵa ósken, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, qoǵamdyq oryndarda mas kúıde júrgen 23 800 adam, tynyshtyqty buzǵany úshin 6 500 adam ákimshilik jaýapqa tartyldy. Qoǵamdyq oryndarda temeki shekkeni úshin 3700, usaq buzaqylyq jasaǵan 1 600 adam zań sheńberinde jazalanǵan.
Sondaı-aq polıtsııa qyzmetkerleri 2 myń mas júrgizýshini, joldyń qarsy baǵytyna shyǵyp ketken 700 jáne jaıaý júrginshilerge jol bermegen 5200 júrgizýshini anyqtaǵan. Budan bólek, ótken jyly bekitilgen jyldamdyqty asyrǵany úshin 76 myń júrgizýshi ákimshilik jaýapkershilikke tartyldy.
«Polıtseıler birinshi kezekte oblys aýmaǵynda jol-kólik oqıǵalaryn azaıtýdy maqsat etýde. Qabyldanǵan sharalar jol apattarynyń sanyn tómendetýge oń áserin tıgizýde. Máselen, 2020 jyly bul kórsetkish 27%-ǵa azaıyp otyr. JKO-da qaza tapqan adamdar sany 29%-ǵa (154-ten 109-ǵa), jaraqat alǵandar sany 28%-ǵa (1827-den 1308-ge deıin) tómendegen», - dedi ShQO PD bastyǵy Saǵat Mádıev.
Ákimshilik aıyppuldardyń óndirilý kórsetkishi – 74%-dy quraıdy. Nátıjesinde oblys bıýdjetine eki mıllıard teńge túsken.
