ShQO-da bir jastan asqan sábıler balabaqshamen 98 paıyzǵa qamtylǵan

ÓSKEMEN. QazAqparat – Shyǵys Qazaqstan oblysynda bir jastan asqan búldirshinderdiń balabaqshamen qamtylýy 98 paıyzǵa jetti, dep habarlaıdy QazAqparat tilshisi.

ShQO Bilim basqarmasynyń málimetine súıensek, óńir boıynsha bir jastan alty jasqa deıingi balalardy mektepke deıingi tárbıemen qamtý maqsatynda birqatar sharalar atqarylǵan.

«Búgingi tańda oblysta mektepke deıingi 790 mekeme bar. Onda 56 700-ge jýyq búldirshin tárbıelenýde. Onyń ishinde áleýmettik turǵydan osal sanattaǵy otbasylardan shyqqan 3800 sábı balabaqshaǵa tegin baryp júr. Mektepke deıingi tárbıemen úsh jasqa deıingi balalardyń 98 paıyzy, úsh jastan alty jasqa deıingi balalardyń 100 paıyzy qamtylǵan», - delingen habarlamada.

Osyndaı kórsetkishge qol jetkizýge 11 jekemenshik balabaqshanyń ashylýy sebep bolǵan. Sońǵy bir jyldyń ishinde 1588 jańa oryn ashyldy.