ShQO-da bir úıden eki myltyqty urlaǵan kúdikti ustaldy
ÓSKEMEN. QazAqparat – Shyǵys Qazaqstan oblysynda Glýbokoe aýdanynyń turǵyny jeke úıden eki qarý, 1,6 mln teńgenyń altyn buıymdary men qundyz tondy qrlaǵan, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetinshe, 33 jastaǵy Pavlodar oblysynyń turǵyny Óskemen qalasyndaǵy tanysynyń úıine qonaqqa kelgen. Er adam jergilikti bazardyń birinen taýar alyp júrgen kásipker erli-zaıyptyny baıqap qalady. Olardyń sońynan ańdyp, Glýbokoe aýdanyndaǵy úılerine anyqtap alǵan.
«Óz áreketin búge-shúgesine deıin josparlaǵan er adam erli-zaıypty úıden shyǵyp ketken soń esiktiń qulpyn buzyp, ishke kirgen. Bólmelerdi timiskilep, 1,6 mln teńgege baǵalanǵan altyn buıym men qundyz tondy urlaıdy. Sondaı-aq ol qarý-jaraq seıfinen 12 kalıbrli «IJ-27» jáne «IJ-54» myltyǵyn jymqyryp ketken», - dep habarlady vedomstvo ókilderi.
Tártip saqshylary kúdiktini kóp uzamaı qolǵa túsirdi. Óz kinásin tolyqtaı moıyndaǵan pavlodarlyq ýaqytsha ustaý ızolıatoryna qamaýǵa alynǵan. Qazirgi ýaqytta QR Qylmystyq kodeksiniń 291-baby1-bóligi jáne 188-baby 1-bóliginiń 3-tarmaǵy boıynsha sotqa deıingi tergeý amaly júrgizilip jatyr.
