ShQO-da bir úıden 7 adam ys tıip aýrýhanaǵa tústi
ASTANA. QazAqparat - Shyǵys Qazaqstan oblysynyń Glýbokoe aýdanynda bir úıden ys tıgen 7 adam aýrýhanaǵa tústi, dep habarlaıdy «QazAqparat» HAA tilshisi.
Bul týraly ShQO jumyldyrý daıyndyǵy basqarmasynyń baspasóz qyzmetinen habarlaıdy. Vedomstvonyń málimetine sáıkes, oqys oqıǵa 25 qyrkúıek kúni saǵat keshki 18:00 shamasynda Progres aýylynyń Abaı kóshesindegi úılerdiń birinde tirkelgen.
«Peshtiń jóndelmeýi sebepti 7 adam aýrýhanaǵa tústi. Olardyń eń úlkeni 76 jasta. Eń kishkentaıynyń jasy 2-de. Zardap shekkenderdiń beseýi - bala», - dep habarlaıdy vedomstvodan.
ShQO jumyldyrý daıyndyǵy basqarmasynan habarlaǵandaı, jyl basynan beri órt qaýipsizdigin saqtamaý saldarynan Shyǵys Qazaqstanda 202 adam adam ys tıip zardap shekken. Olardyń 75-i - balalar. Ys tıgenderdiń 100-i aýrýhanaǵa jatqyzylǵan.
