ShQO-da bir táýliktiń ishinde úsh kólik órtendi
ÓSKEMEN. QazAqparat - Shyǵys Qazaqstanda qozǵalys kezinde órtengen kólikter sany artqan, dep habarlaıdy QazAqparat tilshisi.
Oblystyq tótenshe jaǵdaılar departamentiniń habarlaýynsha, bir táýlikte úsh kólik otqa oranǵan. Kýrchatov qalasynan shyǵyp, Semeı-Pavlodar baǵytynda júrip kele jatqan «MAN» markaly júk kóliginiń qozǵaltqyshynan órt shyqqan. Kólik jartylaı janyp ketken.
Sondaı-aq, Úrjar aýdanynda Joǵary Eginsýǵa jol tartqan «Howo» kóliginiń de qozǵaltqyshynan ot tutanǵan. Der kezinde jetken órt sóndirýshiler órtti tez aýyzdyqtap úlgerdi.
Semeı qalasynda órtengen 2015 jylǵy «Gazel» kóliginiń de qozǵaltqyshynda aqaý bolǵan.
Departament mamandary úsh oqıǵa da júrgizýshilerdiń salǵyrttyǵynan bolǵan dep otyr.
