ShQO-da bir kúnde tútin tumshalaǵan úılerden 17 adam evakýatsııalandy
ShQO Tótenshe jaǵdaılar departamenti baspasóz qyzmetiniń málimetine súıensek, Shemonaıha aýdany Zaslonova kóshesindegi kópqabatty turǵyn úı podezin kók tútin basqan. Oqıǵa ornyna qutqarýshylar shuǵyl kelip jetti. Olar qaýipsizdik maqsatynda 10 turǵyndy, onyń ishinde tórt balany evakýatsııalady.
«Glýbokoe aýdany Bystrýha aýylynda jeke turǵan dúkende órt shyqqan. Órt sóndirýshiler shatyrdy, edendi, esik pen taýarlardy sharpyǵan qyzyl jalyndy aýyzdyqtady. Aldyn ala málimet boıynsha ottyń shyǵý sebebi – pesh paıdalaný kezinde qaýipsizdik talaptaryn saqtamaý», - delingen aqparatta.
Óskemende Nursultan Nazarbaev dańǵylyndaǵy 5 qabatty úıdiń podezinde qoqys janǵan. TJD qyzmetkerleri barlaý barysynda podez ishinen ýlaný belgileri bar 1970 jylǵy turǵyndy taýyp, aýrýhanaǵa jetkizdi. Sondaı-aq órt sóndirýshiler 7 turǵyndy, onyń ishinde 3 balany evakýatsııalady.
