ShQO-da bir kúnde 3 kólik muz astyna túsip ketti
ÓSKEMEN. QazAqparat – Shyǵys Qazaqstan oblysynda bir kúnniń ishinde 3 kólik muz astyna túsip ketken, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetinshe, demalys kúnderi kelisimen balyqshylar sý qoımalaryna qaraı jolǵa shyqqan. Qaýipsizdik erejelerin eskermeýdiń jáne juqa muzdyń ústimen júrýdiń saldarynan búgin 3 oqys oqıǵa boldy.
Eki kólik Kókpekti aýdanynda, bir kólik Shúlbi kentinde muz astyna túsip ketken. Qutqarýshylar júrgizýshilerge kólikterdi sýdan shyǵarýǵa kómektesti.
«Shúlbide qutqarýshylar kóligi muz astyna túsip ketken júrgizýshini arnaıy «Kýng» avtokóligine otyrǵyzyp jylynýyna jáne kıimin keptirip alýyna jaǵdaı jasady», - dep habarlady vedomstvo ókilderi.
Úsh oqıǵada da zardap shekken eshkim bolmady. Aıta keteıik, osy ýaqytqa deıin departament mamandary balyqshylarmen kezdesip, muz ústimen júrýdiń qaýiptiligi jaıly túsindirý jumystaryn júrgizgen. Alaıda soǵan qaramastan eskertýlerge nemquraıly quraıtyndar azaımaı tur.
