ShQO-da bir kúnde 22 mas júrgizýshi ustaldy
ÓSKEMEN. QazAqparat – Shyǵys Qazaqstan oblysynda bir kúnde mas kúıde rýlge otyrǵan 22 júrgizýshi ustaldy, dep habarlaıdy QazAqparat tilshisi.
«Qaýipsiz jol» jedel aldyn alý sharasynyń birinshi kúninde jol erejelerin buzýdyń 1380 faktisi anyqtaldy. Onyń ishinde qoǵamdyq kóliktiń 19 júrgizýshisi ereje buzǵan.
«Mas kúıde kólik tizgindegen 22 júrgizýshi ustaldy. Sondaı-aq qarsy jolaqqa shyǵyp ketken 10 júrgizýshi ákimshilik jaýapkershilikke tartyldy. Bekitilgen jyldamdyqty asyrǵany úshin 93, manevr jasaý erejelerin buzǵan 101, qaýipsizdik beldigin taqpaǵan 228, kólik tizgininde telefon paıdalanǵan 163 jáne kólik quraldaryn basqarý quqyǵynan aıyrylsa da rýlge otyrǵan 37 júrgizýshi tirkelgen», - dedi ShQO PD JPQB bastyǵy Talǵat Nurıev.
Budan bólek, jol qozǵalysy erejelerin buzǵany 264 jaıaý júrginshi ákimshilik jaýapkershilikke tartyldy.
